"Monako"da Pogbaning qachon qaytishini bilishmayapti

 5 FEVRAL, 2026, 06:18

Dekabr oyidan buyon 32 yoshli yarimhimoyachi boldir mushaklari jarohatidan tiklanmoqda va hozirgacha mashg'ulotlarni davom ettirgani yo'q.

Pogba o'tgan yilning yozida doping tufayli 18 oylik diskvalifikatsiyadan so'ng "Monako" bilan shartnoma imzolagan edi. O'shandan beri u jami 30 daqiqa maydonda harakat qildi va Liga 1da "Renn" (1:4), "PSJ" (1:0) va "Brest" (0:1) bilan uchta o'yinda zaxiradan maydonga tushdi.

"Monako" Pogbani Chempionlar Ligasi pley-offida "PSJ" bilan to'qnash keladigan o'yin qaydnomasidan chiqarib yubordi.