Venger Safonovni «PSJ»ning asosiy darvozaboni deb hisoblamoqda

 3 FEVRAL, 2026, 18:06

«Arsenal»ning sobiq bosh murabbiyi Arsen Venger Matvey Safonovning «PSJ»dagi o'yinlari haqida fikr bildirdi.

— Matvey bu mavsumda yuqori saviyada o'ynamoqda. Menimcha, endi uni «PSJ»ning asosiy darvozaboni deb hisoblash mumkin, — deya Vengerning so'zlarini «RB Sport» keltiradi.

Eslatib o'tamiz, bir necha kun oldin «PSJ» safarda «Strasburg»ni 2:1 hisobida mag'lub etgan edi. Ushbu uchrashuvni birinchi daqiqalardan boshlab o'tkazgan Safonov o'yinning eng yaxshi futbolchisi deb topildi. Birinchi bo'limda u penaltini qaytargan.

Joriy mavsumda Matvey Safonov «PSJ» safida 6 ta o'yin o'tkazib, 5 ta gol o'tkazib yuborgan.