"PSJ" himoyachi Kamarani "Lion"ga ijaraga berdi

 3 FEVRAL, 2026, 12:12

"PSJ"ning 19 yoshli himoyachisi Noam Kamara "Lion"ga sotib olish huquqi bilan ijaraga o'tdi.

Frantsuz parijliklar safiga 2024 yilda 17 yoshida kelib qo'shilgan. 2025 yil aprel oyida u birinchi marta asosiy jamoada o'ynadi.

Futbolchi o'zining birinchi professional shartnomasini avgust oyida imzolagan.

Sentyabr oyida Kamara, shuningdek, 20 yoshgacha bo'lgan futbolchilar o'rtasidagi jahon chempionatining yarim finaliga chiqqan Frantsiya U20 terma jamoasi safida debyut qildi.