"Real" Fran Garsiyani "Bornmut"ga ijaraga bermadi

 3 FEVRAL, 2026, 11:24

"Real" himoyachi Fran Garsiyaning "Bornmut"ga ijara asosida o'tishiga to'sqinlik qildi, deya xabar bermoqda The Athletic.

Futbolchi ingliz klubini o'ziga etishmayotgan o'yin vaqtini qo'lga kiritish uchun ajoyib imkoniyat sifatida ko'rdi. Xususan Valdebebasdagi mashg'ulot bazasidagi odamlarga uning APL klubiga o'tish ehtimoli katta ekanini aytgan, biroq juma kuni madridliklar uni qo'yib yubormaslikka uzil-kesil qaror qilgan.

Transfer rad etilgach, 26 yoshli ispaniyalik shanba kuni individual mashg'ulot o'tkazishni so'ragan. Klub uning iltimosini rad etdi va futbolchi ommaviy axborot vositalari uchun mavjud bo'lgan dastlabki 15 daqiqani guruh bilan o'tkazdi, shundan so'ng u mustaqil ravishda mashg'ulotlarni davom ettirdi.