Abduqodir Husanov «Man Siti»da yanvar oyining eng yaxshi futbolchisi bo'lishga nomzodlar uchligiga kirdi

 2 FEVRAL, 2026, 22:42

"Manchester Siti" rasmiy sayti klubning yanvar oyidagi eng yaxshi futbolchisi bo'lishga da'vogarlar uchligini e'lon qildi.

Undan O'zbekiston milliy jamoasi a'zosi Abduqodir Husanov ham o'rin oldi. Sovrin uchun shuningdek darvozabon Janluidji Donnarumma va yarim himoyachi Bernardu Silva ham da'vogar.

Nomzodlarning o'tgan oydagi statistikasi:

Abduqodir Husanov - 8 ta to'liq o'yin.

Janluidji Donnarumma - 6 ta o'yin, 7 ta gol o'tkazib yuborgan, 2 bor darvozasini daxlsizligini saqlab qolgan.

Bernardu Silva - 8 ta o'yin, 2 ta assist.