"Liverpul" futbolchisini "Inter"ga sotish orqali 40 mln evro ishlab olishi mumkin

 1 FEVRAL, 2026, 12:36

Milanning «Inter» klubi «Liverpul» bilan yarim himoyachi Kyortis Jons bo'yicha muzokaralarni davom ettirmoqda.

Sky Sport Italia xabariga ko'ra, «neradzurrilar» 25 yoshli futbolchini 40 million evro miqdorida sotib olish imkoniyati bilan ijaraga olishga tayyor. Angliyalik o'yinchi transferga rozilik bergan, ammo «Liverpul» hozircha kelishuvni tasdiqlamagan. Agar bitim amalga oshsa, «Inter» Davide Frattezi bo'yicha «Nottingem Forest»dan tushgan taklifni qabul qilishi ehtimoli katta.

Transfermarkt portali Kyortis Jonsning bozor qiymatini 40 million evro deb baholaydi. Joriy mavsumda u Arne Slot jamoasi safida barcha musobaqalarda 30 ta o'yin o'tkazib, 1 ta golli uzatma amalga oshirgan.