Diego Simeonening shaxsiy aralashuvidan so'ng «Atletiko» katta transferni hal qildi

 1 FEVRAL, 2026, 12:36

Madridning «Atletiko» jamoasi bosh murabbiyi Diego Simeone «Atalanta» hujumchisi Ademola Lukman transferida hal qiluvchi rol o'ynadi.

Shanba kuni «matraschilar» nigeriyalik futbolchini sotib olish shartlarini kelishib oldi. Jurnalist Alessandro Palyarinining xabar berishicha, 28 yoshli o'yinchi Diego Simeonening shaxsiy aralashuvidan so'ng «Atletiko»ga o'tishga qaror qilgan. Avvalroq Lukman uchun asosiy da'vogar sifatida Turkiyaning «Fenerbaxche» klubi ko'rilgan edi.

Yaqinda Simeone transferlar uning ishi emasligini aytgandi, ammo aynan Lukman madridliklarning qishdagi ilk xaridi bo'lishi kutilmoqda. Bitim qiymati taxminan 40 million evro.