Kamilla Rahimova ishtirok etadigan turnirga qura tashlandi

 31 YANVAR, 2026, 11:32

Mamlakatimizning birinchi raketkasi Kamilla Rahimova dushanba kunidan asosiy to'r bahslari boshlanadigan turnirdagi ilk raqibasini bilib oldi.

Vakilamiz Ruminiyaning Kluj-Napoka shahrida tashkil etiladigan WTA 250 toifasiga kiruvchi turnirda o'z omadini sinab ko'radi. Musobaqaning mukofot jamg'armasi 283 347 AQSH dollaridan iborat. 

Qura natijasiga ko'ra, Kamilla Rahimova ilk davrada ruminiyalik Sorana Kirstyaga qarshi kortga chiqadigan bo'ldi. Mezbon tennischi turnirda uchinchi raqam ostida tasniflangan. Turnirning birinchi raketkasi britaniyalik Emma Radukanu belgiyalik Grit Minnen bilan to'qnash keladi.

Manba: olamsport.com