«Portu» «Manchester Yunayted»ga keraksiz himoyachiga qiziqmoqda

 30 YANVAR, 2026, 13:00

«Portu» «Manchester Yunayted»ning chap qanot himoyachisi Tirell Malasiyaga qiziqish bildirmoqda. Niderlandiyalik futbolchining shartnomasi yarim yildan keyin yakunlanadi, shu bois «qizil iblislar» qishki transfer oynasi yopilgunga qadar uni sotib yubormasa, o'yinchidan hech qanday mablag' ishlab ola olmasligi mumkin.

Voetbal International ma'lumotlariga ko'ra, 26 yoshli lateralga aynan «Portu» da'vogarlik qilmoqda. «Ajdarlar» bir nechta variantni ko'rib chiqmoqda: portugal klubi futbolchini yozda erkin agent sifatida jalb qilish uchun kutib turishi ham istisno qilinmaydi.

Transfermarkt bahosiga ko'ra, Tirell Malasiyaning transfer qiymati 5 million evroni tashkil etadi. Joriy mavsumda himoyachi «MYu» asosiy jamoasi safida faqat bitta o'yinda maydonga tushgan.