Evropa klubi Kante transferi uchun 4 million evro ajratishga tayyor

 30 YANVAR, 2026, 11:12

Frantsiyalik tayanch yarim himoyachisi N’Golo Kante Evropaga qaytishi mumkin. Hozirda 34 yoshli futbolchi Saudiya Arabistoni chempionatida “Al-Ittihod” safida to'p surmoqda.

Sports Digitale ma'lumotlariga ko'ra, tajribali frantsuzga Istanbulning “Fenerbaxche” klubi qiziqish bildirmoqda. Turkiya grandi Kante transferi uchun 4 million evro ajratishga tayyor.

Yarim himoyachining Saudiya klubi bilan amaldagi shartnomasi kelasi yozda yakuniga etadi. Joriy mavsumda Kante Saudiya Arabistoni chempionatida 18 ta o'yinda maydonga tushib, 2 ta gol va 1 ta golli uzatma muallifi bo'ldi.