Fabritsio Romano "Real"ning short-listiga kiritilgan murabbiylar nomini ma'lum qildi

 29 YANVAR, 2026, 22:18

"Real" kelasi yozga yangi bosh murabbiy tayinlash imkoniyatlarini o'rganmoqda. Nufuzli insayder Fabritsio Romanoning ma'lum qilishicha, madridliklar ichida haqiqatan ham Unai Emeri nomzodi muhokama qilinmoqda. Yurgen Klopp va boshqa mutaxassislar haqida ham fikrlar bildirilmoqda.

Qayd etilishicha, hozirda muhokamalar faqat klub ichida bo'lib o'tmoqda. Shu bilan birga, Alvaro Arbeloa 2025/2026 yilgi mavsum oxirigacha "Real"da ishlashi aniq.

"Real" chorshanba kuni Chempionlar ligasida "Benfika"ga 2:4 hisobida mag'lub bo'lib, muxlislarni ranjitdi. Natijada, "qaymoqranglilar" umumiy jadvalda to'qqizinchi o'rinni egalladi va 1/8 finalga to'g'ridan-to'g'ri chiqa olmadi.

Unai Emeri "Aston Villa"da, Yurgen Klopp esa "Red Bull" futbol klubida ishlaydi.