"Benfika" futbolchisi Chempionlar ligasida haftaning eng yaxshi futbolchisi deb topildi

 29 YANVAR, 2026, 21:06

Chorshanba kuni Chempionlar ligasi umumiy bosqichining 8-tur o'yinlari bo'lib o'tdi. UEFA rasmiy sayti tarqatgan xabarga ko'ra "Benfika" vingeri Andreas Shelderup haftaning eng yaxshi futbolchisi deb topildi. "Real"ga qarshi uy o'yinida norvegiyalik futbolchi dubl qayd etdi.

Eslatib o'tamiz, "Benfika" "Real"ni 4:2 hisobida mag'lub etib, Chempionlar ligasi pley-off bosqichiga yo'l oldi. Lissabonliklar so'nggi soniyalarda urilgan gol evaziga to'plar nisbatiga ko'ra "Marsel"ni ortda qoldirdi.

Chempionlar ligasi pley-off bosqichida "Benfika" "Real" yoki "Inter"ga qarshi bahs olib boradi.