La Ligada yanvar oyining eng yaxshi murabbiyi aniqlandi

 28 YANVAR, 2026, 23:30

Ispaniya La Ligasida yanvar oyining eng yaxshi murabbiyi deb "Real Sosedad" ustozi Pellegrino Mataratstso e'lon qilindi.

O'tayotgan oyda "Real Sosedad" Ispaniya chempionatida 4ta o'yin o'tkazdi. Jamoa "Atletiko" bilan durang o'ynadi (1:1), keyin "Xetafe" (2:1), "Barselona" (2:1) va "Selta"ni (3:1) mag'lub etdi.

Ayni paytda "Real Sosedad" La Liga turnir jadvalida sakkizinchi o'rinda bormoqda. Jamoa navbatdagi o'yinni 1 fevral kuni "Atletik" mehmoni bo'ladi.

Pellegrino Mataratstso dekabr oyida "Real Sosedad" bosh murabbiyiga aylangandi.