Topuriya Madriddagi koshonasini deyarli 3 mln evroga sotuvga qo'ydi + FOTO

 28 YANVAR, 2026, 17:48

Engil vaznda UFC chempioni Iliya Topuriya Madriddagi Las-Lomas turar joy majmuasida joylashgan hashamatli uyini 2,9 mln evroga sotuvga qo'ydi, deb xabar bermoqda infobae portali.

Malumotlarga ko'ra, uyning umumiy maydoni 1000 kv. m. Koshona avangard uslubida qurilgan. Villa bir necha qavatda joylashgan bo'lib, kecha-yu kunduz yollanma qo'riqchilar tomonidan qo'riqlanadi.

Birinchi qavatda dam olish va mehmonlarni qabul qilish uchun mo'ljallangan bir nechta alohida zonalarga bo'lingan katta mehmonxona va oshxona joylashgan. Xuddi shu erda to'rtta katta yotoqxona bo'lib, ularning har birida alohida yuvinish xonasi, shuningdek, keng garderob va alohida yuvinish xonasi bo'lgan asosiy yotoqxona bor. Uy 6 tagacha mashina sig'adigan garajga ham ega.

Villa tashqarisida barbekyu zonasi va jakuzi o'rnatilgan hovuzli obodonlashtirilgan bog' mavjud. Bundan tashqari, to'liq cho'milish xonasiga ega spa-zona va trenajyor zali bor.

Manba: olamsport.com