Dyumfris qachon safga qaytishi ma'lum bo'ldi

 28 YANVAR, 2026, 14:42

Milanning "Inter" klubi himoyachisi Denzel Dyumfrisning qaytish muddati haqida ma'lumot paydo bo'ldi.

Jurnalist Paskuale Guarro xabariga ko'ra, Dyumfris ikki hafta davomida umumiy guruh mashg'ulotlariga qo'shilishi kerak. Qayd etilishicha, futbolchi 22 fevral kuni bo'lib o'tadigan "Lechche"ga qarshi o'yingacha safga qaytishi mumkin. Dyumfris "Yuventus"ga qarshi o'yin qaydnomasiga kiritilishi ehtimoli bor (15 fevral), ammo uning maydonga tushishi dargumon.

Joriy mavsumda 28 yoshli Dyumfris barcha musobaqalarda 15 ta uchrashuvda maydonga tushib, 3 ta gol urdi va 1 ta golli uzatmani amalga oshirdi.