"Kristal Pelas" APL autsayderidan hujumchi sotib olishi mumkin

 27 YANVAR, 2026, 18:30

The Athletic nashrining nufuzli jurnalisti Devid Ornshteynning ma'lum qilishicha, "Vulverxempton"dan 25 yoshli Yorgen Strand Larsenga rasmiy transfer taklifini bergan yagona klub "Lids Yunayted" bo'lib turibdi, ammo futbolchiga Jan-Filip Matetga o'rinbosar izlayotgan "burgutlar" tomonidan ham qiziqish ortib bormoqda.

Norvegiyalik hujumchining "bo'rilar" bilan amaldagi shartnomasi 2030 yilning iyun oyi oxirigacha mo'ljallangan. Transfermarkt saytida uning bozordagi transfer narxi 40 million evroga baholanmoqda.

Joriy mavsumda Yorgen Strand Larsen "Vulverxempton" safida barcha musobaqalarda 25 ta o'yinda 6 ta gol urdi va 2 ta golli uzatmani amalga oshirdi.