«Xorazm» braziliyalik yarim himoyachi bilan shartnoma imzoladi

 26 YANVAR, 2026, 22:42

Braziliyalik yarimhimoyachi Rafael Sabino faoliyatini O'zbekiston chempionatida davom ettiradi. 29 yoshli futbolchi «Xorazm» klubi bilan shartnoma imzoladi.

Eslatib o'tamiz, o'tgan mavsumda Sabino «Qiziljar» safida to'p surgan. QPL–2025 mavsumida u Petropavl klubi tarkibida 19 ta uchrashuvda maydonga tushib, 1 ta gol urgan. Shuningdek, Qozog'istonda Rafael «Aqjayiq» jamoasida ham o'ynagan.

Uning professional faoliyati davomida braziliyalik futbolchi vatanida «Gremio Barueri», «Gremio Katanduvense» va «Jaguariuna» klublari sharafini himoya qilgan, 2018–2021 yillar oralig'ida esa Ukrainada «Lvov» jamoasida to'p surgan.

Rafael Sabino
Tug'ilgan yili: 17.06.1996
Ampluasi: Yarim himoyachi
Millati: Braziliya
Bo'yi: 1,78 m
Qaysi jamoadan keldi: «Qiziljar» futbol jamoasi