Flik Kanseluning o'yiniga baho berdi

 26 YANVAR, 2026, 12:48

"Barselona" bosh murabbiyi Xans-Diter Flik qanot himoyachisi Joau Kanseluning o'yini haqida fikr bildirdi.

"Ko'k-anorranglilar" portugaliyalikni joriy oyda Saudiya Arabistonining "Al-Hilol" klubidan ijaraga olgan edi. Yakshanba kuni 31 yoshli futbolchi klubga qaytganidan keyin ilk bor kataloniyaliklar asosiy tarkibida maydonga tushdi - u La Ligada "Real Ovedo"ni mag'lub etishga yordam berdi (3:0).

"Kanselu yaqindagina keldi, lekin o'z mahoratini ko'rsatdi. U juda kuchli pressing qiladi. Joau juda yaxshi moslashmoqda, u har bir mashg'ulotda rivojlanishga qodir," - deya Flikning so'zlarini keltiradi Barca Universal.

Joau yakshanba kungi bahsning 60-daqiqasida zaxiraga olindi.