"PSJ" himoyachisi: "Jamoamiz hech qachon to'xtamaydi"

 26 YANVAR, 2026, 12:24

Frantsiya chempionatining 19-turida "PSJ" safarda "Oser"ni minimal hisobda mag'lub etdi - 1:0. Uchrashuv so'ngida yagona golga vinger Bredli Barkolya mualliflik qildi.

Himoyachi Ilya Zabarniy natija haqidagi fikrlari bilan o'rtoqlashdi.

"Jamoa g'alabaga ishonardi. "PSJ" hech qachon to'xtamaydi va o'z ishini bajaradi. Bu bizning asosiy kuchimiz. Hisob qanday bo'lishidan qat'i nazar, jamoa hujum qilishdan charchamaydi, tempni ushlab turadi. Gol vaqt masalasi edi," - deydi ukrainalik futbolchi OAV vakillari bilan suhbatda.