Slot Robertsonning ketishi haqidagi savolga javob berdi

 25 YANVAR, 2026, 16:54

"Liverpul" bosh murabbiyi Arne Slotga chap qanot himoyachisi Endryu Robertson klubni tark etishi mumkinligi haqida savol berildi.

Kuni kecha ma'lum bo'lishicha, shotlandiyalik futbolchini "Tottenxem" o'z safiga qo'shib olmoqchi. Mish-mishlarga ko'ra, "shporlar" futbolchining o'zi bilan kelishib qo'ygan. Taxminlarga ko'ra, 31 yoshli futbolchi "Qorabog'"ga qarshi bo'lajak bahsda "Enfild"da muxlislar bilan xayrlashishi mumkin.

Niderlandiyalik murabbiy kelishuv haqidagi ma'lumotlarni aytishdan bosh tortdi: "Men oldin transferlar haqida hech gapirganmanmi? Javob oddiy: biz transferlarni omma oldida muhokama qilmaymiz," - dedi Slot "Bornmut"dan uchralgan mag'lubiyatdan (2:3) keyingi matbuot anjumanida.

Endryu Robertson shanba kungi "giloslar"ga qarshi o'yinda tanaffusda zaxiradan maydonga tushdi.