De Dzerbi: "Nvaneri eng yuqori darajadagi futbolchiga aylanadi"

 25 YANVAR, 2026, 16:12

Frantsiyaning "Marsel" klubi bosh murabbiyi Roberto De Dzerbi 18 yoshli yarim himoyachi Itan Nvanerining kelajagi haqida fikr bildirdi.

Joriy transfer oynasida "Marsel" angliyalik xavbekni Londonning "Arsenal" klubidan ijaraga oldi.

"Itan Nvaneri eng yuqori darajadagi futbolchiga aylanadi, bunga ishonchim komil. Uning saviyasi, ishga bo'lgan ishtiyoqi ko'rinib turibdi. U juda ajoyib. Timber haqida ham shunday deyish mumkin," - deya De Dzerbining so'zlarini keltiradi jurnalist Fabritsio Romano.

Nvaneri "Marsel" safida Frantsiya chempionatida "Lans"ga qarshi uy uchrashuvida debyut qildi. U 58 daqiqa o'ynadi va bitta gol urdi. 19-turdan o'rin olgan bahs mezbonlarning 3:1 hisobidagi g'alabasi bilan yakunlandi.