Valverde Vinisius va Mbappening himoyadagi harakatlarini e'tirof etdi

 25 YANVAR, 2026, 13:00

Madridning "Real" klubi yarim himoyachisi Federiko Valverde Kilian Mbappe va Vinisius Juniorning to'psiz o'yinlardagi harakatlari haqida fikr bildirdi.

"Qaymoqranglilar"ning yulduz hujumchilari ko'pincha himoyada jamoaga yordam bera olmaslikda ayblanadi, ammo so'nggi paytlarda frantsuz va braziliyalik bu uchun ham maqtovga sazovor bo'lmoqda.

"Mbappe va Vinining "Vilyarreal"ga qarshi o'yindagi himoyadagi harakatlarini alohida ta'kidlamoqchiman," - dedi Valverde Madrid Xtra nashriga bergan intervyusida.

Madridliklar La Liga safar uchrashuvida "sariq suv osti kemasi" ustidan g'alaba qozondi - 2:0. Mehmonlarning har ikki goliga Kilian Mbappe mualliflik qildi.

Chorshanba kuni "Real" Chempionlar ligasida "Benfika" mehmoni bo'ladi.