"Tottenxem" APLda 5 ta o'yindan buyon g'alaba qozona olmayapti

 24 YANVAR, 2026, 22:48

"Tottenxem" ketma-ket beshinchi marta APLda ochko yo'qotdi.

Tomas Frank jamoasi bugun 23-turda "Byornli" bilan durang o'ynadi - 2:2.

Oxirgi marta "shporlar" o'tgan yili "Kristal Pelas"ga qarshi o'yinda 1:0 hisobida g'alaba qozongan edi. O'shandan beri ularning hisobida uchta durang va ikkita mag'lubiyat bor.

Londonliklar so'nggi 14 turda atigi 2ta g'alabaga erishgan va hozirda 13-o'rinda bormoqda, tur yakunlariga ko'ra esa 15-o'ringa tushib ketish xavfi bor.