Evropa chempioni Nani Aqto'be aeroportida qimiz va bo'g'irsoqlar bilan kutib olindi (video)
24 YANVAR, 2026, 16:06
Portugaliya terma jamoasi va «Manchester Yunayted»ning sobiq qanot hujumchisi, 2016 yilgi Evropa chempioni Luish Nani Aqto'be aeroportida an'anaviy qozoq taomlari — qimiz va bo'g'irsoqlar bilan kutib olindi.
OAV avvalroq 39 yoshli futbolchi mahalliy jamoalardan biri bilan oyiga 70 ming dollar maosh evaziga shartnoma imzolashi mumkinligi haqida xabar bergan edi. Shuningdek, Nani bir yillik mehnat shartnomasi tuzishi ta'kidlangan.
Nani 2007 yildan 2015 yilga qadar «Manchester Yunayted» safida to'p surgan. Mankunianlar tarkibida portugaliyalik futbolchi to'rt marta Angliya chempioni bo'lgan, shuningdek, Chempionlar ligasini ham qo'lga kiritgan.
