Kompani 17 yoshli Karlning o'yini haqida fikr bildirdi

 24 YANVAR, 2026, 12:18

Myunxenning "Bavariya" klubi bosh murabbiyi Vensan Kompani jamoaning 17 yoshli yarim himoyachisi Lennart Karlning o'yini haqida fikr bildirdi.

"Men Karldan himoyada yaxshiroq ishlashini kutyapman. U himoyada yordam berishi va hujum harakatlarida foyda keltirishi mumkin. Hujumdagi o'yinchilar kuchlarini dastlab mudofaa harakatlariga sarflaydilar, shundan so'ng hujumga o'tishlari kerak. Jamoamizda hamma bunga qodir," - deya belgiyalik mutaxassisning so'zlarini keltiradi klub matbuot xizmati.

Lennart Germaniya Bundesligasining joriy mavsumida 16 ta o'yin o'tkazdi. Yarim himoyachi 4 ta gol va 2 ta golli uzatmaga mualliflik qildi.