Slot Saloh bilan muammo takrorlanmasligini aytdi
24 YANVAR, 2026, 07:12
"Liverpul" bosh murabbiyi Arne Slot jamoa hujumchisi Muhammad Salohning jamoadagi holati haqida gapirdi.
"O'ylaymanki, har bir futbolchi tarkib bo'yicha qarorni murabbiy qabul qilishini biladi. Ko'rinib turibdiki, 100 ta holatdan 99 tasida futbolchilar o'zlarini maydonga tushirmaslik tanloviga rozi bo'lishmaydi. Shunday bo'lishi kerak - agar o'zingizga ishonmasangiz, 60 ming tomoshabin oldida o'ynashingiz qiyin bo'ladi.
Bu nafaqat unga, balki har bir kishiga tegishli. Zaxirada qolish hech kimga yoqmaydi, hamma jamoaga yordam berishni xohlaydi. O'zingiz ko'rganingizdek, Saloh ketma-ket beshta o'yinda o'zini zaxirada qoldirishni so'raydiganlardan emasligi aniq", - dedi Slot matbuot anjumanida.
