Bonni: "Gol urish yoqimli, lekin g'alaba qozonish undan ham yoqimliroq"
24 YANVAR, 2026, 07:06
Italiya A Seriyasining 22-turi Milanning "Inter" klubi "Piza" ustidan qozonilgan g'alaba bilan boshlandi va unda Kristian Kivu shogirdlari yirik 6:2 hisobida zafar quchdi. Gollardan biriga Anj-Yoan Bonni mualliflik qildi, u o'yindan keyingi intervyusida bundan xursandligini yashirmadi.
"Gol urish juda yoqimli, lekin g'alaba qozonish undan ham yoqimliroq. Endi juda muhim o'yin oldidan yaxshilab dam olish kerak", - deya Bonnining so'zlarini keltiradi fcinter1908.it.
Ushbu g'alabadan keyin Milanning "Inter" klubi Italiya chempionati turnir jadvalida ishonchli etakchilik qilayotganini yana bir bor tasdiqladi. Klub A Seriyaning navbatdagi turida "Kremoneze"ga qarshi bahs olib boradi.
