"Sosedad" vakili Zaxaryan klubni tark etishi mumkinligi haqidagi xabarga izoh berdi

 23 YANVAR, 2026, 16:36

"Real Sosedad" matbuot xizmati rossiyalik yarimhimoyachi Arsen Zaxaryan klubni tark etishi mumkinligi haqidagi xabarga izoh berdi.

Avvalroq, Ispaniya jamoasi bosh murabbiyi Pellegrino Mataratstso jamoaning bir necha futbolchilari bilan yuzma-yuz suhbatlashib, ular uning rejalariga kirmasligini ma'lum qilgani haqida xabarlar tarqalgan edi. Bu o'yinchilar orasida Zaxaryan ham bor edi.

"Bizda Zaxaryan haqida qo'shimcha ma'lumot yo'q - na tibbiy, na uning holati bo'yicha", - deya klub matbuot xizmati ma'lum qildi.

Zaxaryan 2023 yilning yozida Ispaniya jamoasiga o'tgandi. Bu vaqt oralig'ida 22 yoshli yarim himoyachi barcha turnirlarda 60 ta o'yinda maydonga tushib, 3 ta gol va 3 ta golli uzatmaga mualliflik qildi.