"Arsenal" etakchi himoyachisi bilan yangi shartnoma imzolashga yaqin

 23 YANVAR, 2026, 13:12

Niderlandiyalik qanot himoyachisi Yurren Timber Londonning "Arsenal" klubi bilan hamkorlikni uzaytirishga yaqin turibdi. Bu haqda insayder Nikolo Skira ijtimoiy tarmoqlar orqali ma'lum qildi.

Manbaga ko'ra, "kanonirlar" hamkorlikni 2030 yoki 2031 yilgacha uzaytirishni rejalashtirmoqda. Londonliklar ustozi Mikel Arteta Timberga yuqori baho berib, uni jamoaning asosiy futbolchisi deb hisoblaydi.

Yurren joriy mavsum Premer-ligada 21 ta bahsda qatnashib, 2 ta gol va 3 ta golli uzatmani o'z hisobiga yozdirib qo'ydi.