"Roma" hamon "MYu" hujumchisiga da'vogarlik qilmoqda

 23 YANVAR, 2026, 04:42

"Manchester Yunayted"ning niderlandiyalik hujumchisi Joshua Zirkzee hamon Italiyaning "Roma" klubiga o'tishi mumkin. Bu haqda jurnalist Florian Plettenberg xabar bermoqda.

Manbaga ko'ra, "Roma" va yana bir qator klublar Zirkzee uchun kurashni davom ettirmoqda. Yakuniy qaror yaqin kunlarda qabul qilinishi kutilmoqda. Ta'kidlanishicha, hujumchining o'zi ham kelajagi borasida imkon qadar tezroq oydinlik kiritishni istaydi.

2024 yilning yozida "Manchester Yunayted" Zirkzeni "Bolonya"dan 42,5 mln evroga sotib olgandi. Joriy mavsumda hujumchi barcha musobaqalarda 16 ta o'yinda maydonga tushib, 2 ta gol urdi va 1 ta golli uzatmani amalga oshirdi.