"Napoli" hujumchisi APLga ko'chib o'tadi - Romano
23 YANVAR, 2026, 04:18
"Nottingem Forest" "Napoli" hujumchisi Lorentso Lukkaning transferi bo'yicha kelishib oldi, deya xabar bermoqda insayder Fabritsio Romano.
Ingliz klubi 25 yoshli italiyalik futbolchini 1 million evro evaziga 2025/26 yilgi mavsum oxirigacha ijaraga oladi va 40 million evroga sotib olish huquqiga ega bo'ladi.
2025 yilning iyulida "Napoli" Lukkani "Udineze"dan 31 million evroga sotib olish sharti bilan ijaraga oldi. Hujumchi neapolliklar safida 23 ta o'yinda maydonga tushib, 2 ta gol urgan. Transfermarkt portali futbolchining narxini 25 million evroga baholamoqda.
