Noyer "Yunion" ustidan qozonilgan g'alabani qadrlaydi

 22 YANVAR, 2026, 16:12

Myunxenning "Bavariya" klubi darvozaboni Manuel Noyer Evropa Chempionlar Ligasi umumjamoa bosqich 7-turidan o'rin olgan Belgiyaning "Yunion" jamoasiga qarshi o'z maydonidagi g'alaba haqida gapirdi. Unda nemis grandi 2:0 hisobida g'alaba qozondi. Ikkala golga ham angliyalik Xarri Keyn mualliflik qildi.

"Tanaffusgacha o'yin oson kechmadi. To'pni yomon boshqarardik, sekin o'ynardik va beparvolik bilan to'p uzatardik. Ikkinchi yarmida manzara yaxshi tomonga o'zgardi. Biz haqli ravishda g'alaba qozondik. Bu natijadan mamnunmiz", - deya darvozabonning so'zlarini keltiradi Bayern & Germany ijtimoiy tarmog'idagi sahifasi.

Myunxen grandi 18 ochko jamg'arib, turnir jadvalida 2-o'rinda bormoqda.