Jek Grilish jarohat sabab 3 oyga safdan chiqdi

 21 YANVAR, 2026, 18:18

"Everton" yarim himoyachisi Jek Grilish jarohati sabab uzoq muddatga safdan chiqdi.

Fabritsio Romanoning ma'lum qilishicha, bugun o'tkazilgan tekshiruvlar futbolchining oyoq panjasida stress sinishini tasdiqlagan. Tiklanish muddati 3 oy atrofida bo'lishi kutilmoqda.

Grilish "Manchester Siti"dan 50 mln funtga sotib olish huquqi bilan ijaraga olingan. Joriy mavsumda Jek APLda 20 ta o'yinda maydonga tushib, 2 ta gol va 6 ta golli uzatmaga mualliflik qildi. U "gol+pas" tizimi bo'yicha "Everton"ning eng yaxshi futbolchisi bo'lib turibdi.