"Barselona" ter Shtegen ketganidan keyin yangi sardor tanladi

21 YANVAR, 2026, 13:36

Mark-Andre ter Shtegen "Barselona"ni tark etdi. 33 yoshli darvozabon joriy mavsum yakuniga qadar ijara asosida "Jirona"ga o'tdi. "Ko'k-anorranglilar"ning mavsumning qolgan qismidagi asosiy sardori markaziy himoyachi Ronald Arauxo bo'ladi.

Urugvaylik futbolchi joriy mavsumda 16 marta maydonga tushib, 2 ta gol urishga muvaffaq bo'ldi. Noyabr oyi oxiri - yanvar oyi boshida Arauxo psixologik muammolar tufayli jamoa qarorgohida bo'lmagan: 26 yoshli futbolchi Chempionlar Ligasi doirasida "Chelsi"ga qarshi o'yinda (0:3) qizil kartochka olganidan keyin ruhiy qiyinchiliklarga duch kelgan. Tajribali markaziy himoyachi "Barselona" safida 2018 yildan buyon to'p tepib kelmoqda.

Manba: stadion.uz

butsanet

Xulio Iglesias yoshligida futbol darvozaboni bo'lgan va Madridning “Real” klubi uchun o'ynagan. Biroq, 20 yoshida avariyaga tushib, kasalxonada 3 yil yotganidan keyin uning futboldagi karerasi yakuniga yetgan. U falaj bo'lib qolgan va faqatgina qo'llarini ishlata olgan. Iglesias gitara chalishni o'rganib, keyinchalik mashhur ijrochiga aylangan.