"Kristal Pelas" yulduzi ketmoqchi

 21 YANVAR, 2026, 13:00

"Kristal Pelas" forvardi Jan-Filipp Mateta qishki transferlar davrida jamoani tark etmoqchi. Bu haqda indykaila News xabar bermoqda.

Manbaga ko'ra, futbolchi yangi chaqiruv olmoqchi, shuning uchun yanvar oyidayoq ketishni rejalashtirmoqda. Ta'kidlanishicha, Mateta Chempionlar ligasida ishtirok etadigan jamoaga o'tishni istamoqda.

Avvalroq Mateta xizmatiga "Aston Villa", "Yuventus", "Manchester Yunayted" va "Tottenxem" klublari qiziqish bildirayotgani haqida xabarlar tarqalgan edi.

Joriy mavsumda 28 yoshli Mateta barcha turnirlarda 33 ta uchrashuvda qatnashib, o'nta gol urdi va ikkita samarali uzatmani amalga oshirdi.