Australian Open. Polina Kudermetovaning 14-raketkaga qarshi o'yini 3 set davom etdi
21 YANVAR, 2026, 10:00
Avstraliyaning Melburn shahrida tennis bo'yicha "Katta Dubulg'a" turkumiga kiruvchi "Australian Open" turniri davom etmoqda.Musobaqada yurtimiz sharafini himoya qilayotgan Polina Kudermetova ikkinchi davra doirasida daniyalik 23 yoshli Klara Tausonga qarshi kortga chiqdi.
1 soat 53 daqiqa davom etgan o'yinda afsuski Kudermetova 3:6, 6:3, 5:7 hisoblarida imkoniyatni boy berdi va musobaqadagi ishtirokini ikkinchi davrada yakunladi.
O'yin davomida Polina 4 ta, raqib esa 12 ta eys amalga oshirdi. Tennischimiz 10 ta qo'shxato qilgan bo'lsa, daniyalik tennischi 2 ta qo'shxatoga yo'l qo'ydi.
Malumot uchun, 22 yashar Polina ayni damda WTA reytingida 150-o'rinni band etib turibdi. U Avstraliya ochiq chempionatining dastlabki davrasida Ispaniya vakilasi Giomar Maristanidan ustun kelgandi. Dunyoning 14-raqamli raketkasi bo'lmish Klara Tauson esa birinchi bosqichda vengriyalik Dalma Galfini mag'lub etgandi.
Manba: olamsport.com
