«Here we go»: «Arsenal» futbolchisi «Marsel»ga o'tdi

 20 YANVAR, 2026, 22:12

Insayder Fabritsio Romanoning xabar berishicha, "Arsenal" hujumkor yarim himoyachisi Itan Nvaneri faoliyatini "Marsel"da davom ettiradi.

Ijara iyun oyi oxirigacha davom etadi, klublar o'rtasida sotib olish to'g'risida hech qanday band bo'lmaydi, yozda Itan London klubiga qaytadi.

Qayd etilishicha, kelishuvga "Marsel" bosh murabbiyi Roberto de Dzerbi va "Arsenal" ustozi Mikel Arteta o'rtasidagi suhbat ta'sir ko'rsatgan.

Eslatib o'tamiz, Nvaneri "Arsenal" tarbiyalanuvchisi bo'lib, u endigina 18 yoshda. U joriy mavsumda bor yo'g'i 12ta o'yinda maydonga tushib, 1ta gol urgan. Yosh futbolchining "kanonirlar" bilan shartnomasi 2030 yilning yoziga qadar mo'ljallangan.