Dibala Rimdagi kelajagi haqida fikr bildirdi

 20 YANVAR, 2026, 16:00

"Roma" hujumchisi Paulo Dibala jamoani tark etishi mumkinligi haqidagi mish-mishlarga munosabat bildirdi.

"Italiya o'ziga xos mamlakat. Bu erda qancha qolishimni bilmayman, lekin har bir lahzadan zavqlanaman.

Bizda yaxshi jamoa, kuchli futbolchilar, kuchli murabbiy bor. Biz tasodifan cho'qqida emasmiz, hurmat bilan ishlashda davom etishimiz kerak. Juda kuchli futbolchilar keldi, maqsadga erishish uchun hammamiz maksimal darajada harakat qilamiz.

Men uchun Italiya o'ziga xos, umrimning deyarli yarmini shu erda o'tkazdim. Keyingi o'yin faoliyatimdagi 600-o'yin bo'ladi. Italiya o'zgacha, bu erda qancha qolishimni bilmayman, lekin oxirigacha zavqlanaman", - deydi futbolchi.