Fabregas: "Sarri – daho"

 20 YANVAR, 2026, 15:42

"Komo" bosh murabbiyi Sesk Fabregas Italiya chempionatining 21-turidan o'rin olgan "Latsio"ga (3:0) qarshi bahsdan so'ng o'z fikrlari bilan o'rtoqlashdi.

"Futbolchilar futbolni bir xil tushunsa, o'yin ularga tegishli bo'ladi, murabbiyga emas. Men robotlashtirilgan futbolga ishonmayman.

Sarri? U - daho. U buni Italiyada va Angliyada biz bilan "Chelsi"da isbotladi. Men uni har doim ko'rganimdan xursandman va u menga o'rgatgan ko'plab g'oyalardan hali ham foydalanaman", dedi Fabregas.

Eslatib o'tamiz, Fabregas futbolchi sifatida 2018/19 yilgi mavsumda "Chelsi"da Sarri qo'l ostida to'p tepgan.