Arteta "Arsenal" forvardi Jezus bo'yicha qaror qabul qildi

 20 YANVAR, 2026, 14:54

Londonning "Arsenal" klubi forvardi Gabriel Jezus Braziliya chempionatida ishlash imkoniyatiga ega. 28 yoshli futbolchini o'z safiga qo'shib olishga "Palmeyras" klubi qiziqish bildirmoqda, deb xabar beradi Mail Sport.

"Kanonirlar" ustozi yanvar oyidagi transfer oynasida Jezusni qo'yib yubormasligini ma'lum qildi. Ispaniyalik mutaxassis APL chempionligi uchun kurashda braziliyalikning yordamiga umid qilmoqda.

Angliya chempionatining joriy mavsumida Gabriel London jamoasining ettita uchrashuvida ishtirok etdi. Braziliyalik futbolchi bitta gol urdi. "Arsenal" Premer-ligada eng yaqin ta'qibchisini 7 ochkoga ortda qoldirib, peshqadamlik qilmoqda.