Karrager nima uchun "Chelsi" yosh tarkib bilan muvaffaqiyatga erisha olmasligini tushuntirdi

 20 YANVAR, 2026, 06:06

"Liverpul"ning sobiq himoyachisi Jeymi Karrager "Chelsi"ning yosh tarkibi haqida fikr bildirdi.

"Yosh iste'dodlardan iborat butun bir jamoa tuzib, ular uch-to'rt yil davomida rivojlanadi, degan g'oya ishlamaydi. "Manchester Yunayted" ham yosh futbolchilar hisobiga g'alaba qozonmagan — ularni tajribali o'yinchilar o'rab olgan va aynan shu omil muvaffaqiyatga olib kelgan. "Chelsi" 2021 yilda Chempionlar ligasini yutganida, ularning markaziy himoyachisi kim edi? 37 yoshli Silva", — deya Karragerning so'zlarini Sky Sports keltirdi.

Ayni paytda "Chelsi" Angliya chempionati turnir jadvalida 34 ochko bilan oltinchi o'rinni egallab turibdi. "Ko'klar" peshqadam "Arsenal"dan 16 ochkoga ortda qolmoqda.