"Tottenxem" himoyachisi operatsiya qilinadi

 19 YANVAR, 2026, 23:00

"Tottenxem" himoyachisi Ben Devis jarrohlik amaliyotini o'tkazadi. Bu haqda klub matbuot xizmati xabar berdi.

32 yoshli futbolchiga chap oyoq to'piq suyagi singani sababli operatsiya kerak bo'ladi. Devis shanba kuni "Vest Xem"ga qarshi o'yinda (1:2) jarohat olgan edi.

"Tottenxem" Ben Devisning tiklanish muddatlari haqida aniq ma'lumot bermadi. Operatsiyadan keyin uelslik futbolchi klub tibbiy shtabi nazorati ostida reabilitatsiya jarayonini boshlaydi.

Ayni paytda "Tottenxem" Angliya chempionati turnir jadvalida 14-o'rinda bormoqda. Seshanba kuni, 20 yanvar sanasida Tomas Frank jamoasi Chempionlar ligasida o'z maydonida "Borussiya" Dortmundni qabul qiladi.