Braim Dias Afrika kubogi finalidan keyin qo'ng'iroqlarga javob bermayapti

 19 YANVAR, 2026, 22:48

Hujumkor yarim himoyachi Braim Dias Afrika millatlar kubogi finalida sodir bo'lgan holatni og'ir qabul qilmoqda. "Real" futbolchisi Marokash terma jamoasiga sovrin olib kelishi mumkin edi, biroq ikkinchi bo'lim oxirida hisob 0:0 bo'lgan paytda penaltini panenka usulida ijro etib, gol ura olmadi. Shundan so'ng o'yin qo'shimcha vaqtga o'tdi va unda Senegal yagona golni kiritib, g'alaba qozondi.

indykaila News xabar berishicha, ayni paytda Braim Dias hech kimning telefon qo'ng'iroqlariga javob bermayapti. Ko'rinib turibdiki, futbolchi bir muddat yolg'iz qolishni istamoqda. Shu bilan birga, u ijtimoiy tarmoqlarda rasmiy murojaat ham qoldirgan.

Yaqin vaqt ichida Braim Dias "Real" joylashgan qarorgohga qaytishi kutilmoqda.