Rasman. "Ayntraxt" jamoa bosh murabbiyini iste'foga chiqardi

 18 YANVAR, 2026, 21:36

"Ayntraxt" bosh murabbiyi Dino Toppmeller lavozimini tark etdi, deya xabar bermoqda klub matbuot xizmati.

Avvalroq, "Ayntraxt" Xabi Alonsoni bosh murabbiy etib tayinlashga qiziqish bildirayotgani haqida xabarlar tarqalgan edi.

"Frankfurtning "Ayntraxt" klubi va bosh murabbiy Dino Topmeller hamkorlik shartnomasini bekor qildi.

Qaror so'nggi bir necha hafta ichida sodir bo'lgan voqealarni har tomonlama tahlil qilish natijasidir. Ishga bo'lgan sadoqatingiz uchun tashakkur, Dino!" - deyiladi xabarda.

Germaniyalik mutaxassis 2023 yilning iyulidan buyon "Ayntraxt"ni boshqarib kelayotgandi. Jamoa 2024/25 yilgi mavsumda Bundesliganing bronza medallarini qo'lga kiritdi. 2025/26 yilgi mavsumda "Ayntraxt" 27 ochko bilan turnir jadvalida ettinchi o'rinda bormoqda.