Noyer "Bavariya" tarixida o'tkazilgan o'yinlar soniga ko'ra eng yaxshi 5 ta futbolchi qatoriga kirdi

 18 YANVAR, 2026, 17:24

"Bavariya" Germaniya chempionatining 18-turida "RB Leyptsig"ni 5:1 hisobida mag'lubiyatga uchratdi.

Ushbu uchrashuvda Myunxen jamoasi darvozasini Manuel Noyer qo'riqladi, u uchun bu o'yin "Bavariya"dagi faoliyatidagi 584-o'yin bo'ldi.

Bu ko'rsatkich bo'yicha Noyer Frants Bekkenbauerga etib oldi va jamoa tarixida eng ko'p o'yin o'tkazgan futbolchilar kuchli beshligiga kirdi.

Endi "Bavariya" safidagi o'yinlar soni bo'yicha Noyer faqatgina Gerd Myuller (613), Oliver Kan (632), Zepp Mayer (709) va Tomas Myullerdan (756) ortda qolmoqda.