Karlo Anchelotti «Santyago Bernabeu»da ko'rinish berdi (foto)

 18 YANVAR, 2026, 13:42

Braziliya terma jamoasi ustozi, bungacha Madridning "Real" klubini boshqargan Karlo Anchelotti Ispaniyada bo'lib turibdi. Italiyalik mutaxassis La Liganing 20-turidan o'rin olgan "Real" - "Levante" uchrashuviga tashrif buyurdi. Bu haqda Mundo Deportivo jurnalistlari xabar berdi.

Anchelotti uchrashuv jarayonini "Santyago Bernabeu" VIP lojasida kuzatib bordi. Mutaxassis hujumchi Vinisius Juniorni kuzatdi.

Bahsda "Qirollik klubi" 2:0 hisobida g'alaba qozondi. O'tkazilgan 20 ta o'yindan so'ng Alvaro Arbeloa shogirdlari 48 ochko jamg'arib, turnir jadvalida 2-o'rinda bormoqda. "Real" peshqadam Kataloniyaning "Barselona"sidan 1 ochko ortda qolmoqda.