Ferdinand "MYu"ni boshqarish uchun o'z nomzodlarini taqdim etdi

 17 YANVAR, 2026, 13:24

Angliya terma jamoasining sobiq himoyachisi, hozirda futbol mutaxassisi bo'lgan Rio Ferdinand "Manchester Yunayted"ga ikki murabbiyni taklif qildi.

"MYu" aqldan ozgan murabbiyni taklif qilish vaqti keldi. Jamoaga har doim kurashishga tayyor va jurnalistlarning hujumlariga toqat qilmaydigan murabbiy kerak. "Telba" kerak, menda ikkita nomzod bor. Bular Antonio Konte va Roberto de Dzerbi," - deya ingliz futboli afsonasining so'zlarini keltiradi BBC.

"Manchester Yunayted" yaqinda portugaliyalik murabbiy Ruben Amorimni iste'foga chiqardi. Uning o'rniga "qizil iblislar"ga Maykl Kerrik murabbiylik qiladi. Jamoa APLda ettinchi o'rinda bormoqda.