Slot yanvar oyidagi ehtimoliy sotuvlar haqida gapirdi

 17 YANVAR, 2026, 10:54

"Liverpul" bosh murabbiyi Arne Slot qishki transferlar oynasida qanday sotuvlar amalga oshirilishi mumkinligi haqidagi savolga javob berdi.

Mish-mishlarga ko'ra, "qizillar"ning ba'zi futbolchilariga boshqa klublar qiziqish bildirmoqda. Masalan, qanot hujumchisi Federiko Keza yana "Yuventus"ga qaytishi mumkin.

"Xaridlar bilan bo'lgani kabi, biz hech narsani istisno qilmaymiz - klubning pozitsiyasi har doim shunday bo'lgan. Agar men, sport rahbariyati va klub xo'jayinlarni qoniqtiradigan taklif olsak - bu imkoniyatni ko'rib chiqamiz va barcha tomonlar uchun foydali qaror qabul qilishga harakat qilamiz," - dedi Slot shanba kuni "Byornli"ga qarshi o'yin oldidan.