Maguayr "Manchester Siti" bilan derbi haqida fikr bildirdi

 17 YANVAR, 2026, 08:18

"Manchester Yunayted" markaziy himoyachisi Xarri Maguayr "Manchester Siti"ga qarshi o'yindan nimalar kutayotgani haqida gapirdi.

Manchester derbisi shanba kuni "Old Trafford"da bo'lib o'tadi. Uchrashuv Toshkent vaqti bilan soat 17:30 da boshlanishi rejalashtirilgan.

"O'ylaymanki, bizni ajoyib o'yin kutmoqda. Qiyin bo'lishini bilamiz, lekin yaxshi tayyorgarlik ko'rdik. Futbolga endigina qadam qo'yayotgan har bir inson aynan shunday o'yinlarni orzu qiladi. Bu vaziyatni o'zgartirish va muxlislarimiz ko'z o'ngida muvaffaqiyatli o'yin ko'rsatish imkoniyatimizdir," - deya Maguayrning so'zlarini keltiradi ingliz OAV.

Shanba kungi uchrashuv "MYu" uchun Maykl Kerrik bosh murabbiy vazifasini bajaruvchi etib tayinlanganidan keyingi ilk uchrashuv bo'ladi.