«Paxtakor»ning Antaliya yig'ini uchun qaydnomasi ma'lum (foto)

 17 YANVAR, 2026, 07:24

"Paxtakor" Turkiyadagi birinchi yig'inni o'tkazish uchun 17 yanvar kuni tongda Antaliyaga yo'lga chiqadi.

30 yanvargacha davom etadigan mashg'ulotlar doirasida uchta nazorat uchrashuvida maydonga tushiladi.

Vladimir Nazarov, Mahmud Mahammadjonov, Ibrohim Ibragimov, Oybek Bozorov va Rustam Turdimurodov milliy terma jamoa yig'inida ishtirok etishi sababli Antaliyadagi birinchi yig'inni o'tkazib yuboradi. Flamarion jarohat sababli mashg'ulotlarga keyin qo'shiladi.

Kamoliddin Tojiev dastlabki yig'in uchun 26 nafar futbolchini tanlab olgan.